ಮರೆಯಾಗಿವೆ   ನನ್ನಲ್ಲಿ
ಕನಸುಗಳು  ಮರೆಯಾಗಿವೆ  , ನನಸುಗಳು  ನೆಪವಾಗಿವೆ  ||ಪ ||

ಉಹಿಸದ  ರೀತಿಗೆ
ನನ್ನ  ಜೀವನ  ಸಾಕ್ಷಿಯಾಗಿದೆ
ಉರುಳಿದ  ಭಾವನೆಗಳು

ನನ್ನ  ಮನವ   ಕದಡಿವೆ ||

ನೂರಾರು  ಆಸೆಗಳು
ದುಗುಡಗತ್ತಿವೆ  ,
ಅರಿತು  ಬಾಳಬೇಕೆಂಬ
ಹಟವು  ಮಂಕಾಗಿದೆ  ||

ಉಳಿದಷ್ಟು  ದಿನಗಳು
ಉಳ್ಳವರಿಗೆಂಬ ತೀರ್ಪು  ಮನಸು  ಮುಟ್ಟಿದೆ  ,
ಮೌನವೆಂಬ  ಮಾತಿಗೆ
ಮನವು  ನಿಲುಕಿದೆ  ||

ನಿಲ್ಲಬೇಕೆಂಬ ಛಲವು  ಹೆದರಿದೆ  ,
ಓಡಬೇಕೆಂಬ ಬಯಕೆ  ಭಯದಿ  ಬೆಂದಿದೆ ,
ಇರುಳಿಗೂ ಹಗಲಿಗೂ  ಕಣ್ಣು  ಕದಡಿದೆ
ವಯಸ್ಸಿಗೂ  ವಿವೇಕಕ್ಕೆ  ಭಾವನೆ  ಮಡಿದಿವೆ ||

ನನ್ನ  ಜೀವನ   ಬೆಳಗಿಸಲು  ಬರುವೆಯ
ನನ್ನ  ಸ್ವರ ರಹಿತ ಭಾವನೆಗಳ  ಬದುಕಿಸೆಯ
ನಿನ್ನ  ರೂಪವೇ  ನನಗೆ  ವೃದ್ಧಿ
ನಿನ್ನ  ಆಸರೆ  ನನ್ನ  ಜೀವ  ಶುದ್ಧಿ

ಮರೆಯಾದ  ಜೀವನಕ್ಕೆ

ಜೀವಿಸುವ  ಅವಕಾಶ  ಕೊಡೆಯಾ ......

ಇಂತಿ ,

ಗಂಗ

ಆಶಯ ಶುಭಾಶಯ

ಆಶಯ  ಶುಭಾಶಯ ,
ಶುಭದ  ದಿನಕೆ  ಶುಭಾಶಯ  ||ಪ ||

ವಸಂತ   ಕಳೆದು
ವಯಸ್ಸನು  ತಳೆದು

ಒಲವಿಗೂ  , ಚೆಲುವಿಗು ಅರ್ಥವ  ಹುಡುಕುವ  ಬಾಳ್ವೆಗೆ,

ಆಶಯ  ಶುಭಾಶಯ ,

ಯುಗ  ಯುಗಗಳು  ಸಾಗಿ
ದೇಹವು  ಹೊಂದಾಣಿಕೆಗೆ  ತಾಗಿ
ಭಾವನೆ , ಯೋಚನೆ , ಪ್ರೌಢಿಮೆ  ಬೆಳಕಿಗೆ  ಬಾಗಿ,
ಆಶಯ  ಶುಭಾಶಯ ,

ಲೆಕ್ಕಚಾರದ   ತೊಡಕು  ಬೇಡ
ಬಳಲಿದೆ  ಎಂಬ  ಭಾವನೆ  ಬೇಡ
ಮುಗುಳ್ನಗೆ  , ಹರುಷಕ್ಕೆ ತೊಡಕು  ಬೇಡ
ಬೇಕು  - ಬೇಡಗಳು  , ಈಡೇರಿಸಿಕೊಳ್ಳುವ  ಛಲವು  ನಿನಗಿರಲಿ ,
ಆಶಯ  ಶುಭಾಶಯ  ,

ನಿಜವಾದ  ವ್ಯಕ್ತಿಯ  ಅನಾವರಣ  ನಿನದಾಗಲಿ

ಆಚಾರ  ವಿಚಾರಗಳ  ಸೊಬಗು  ಮರೆಯಾಗದಿರಲಿ

ಪ್ರೀತಿ , ಪ್ರೇಮ  , ಉತ್ಸಾಹ  ಇನ್ನಷ್ಟು ಉತ್ಕ್ರುಷ್ಟವಾಗಲಿ
ನೆನಪಗಳು  ಸದಾ  ನಿನಗೆ  ಪ್ರೇರಣೆಯಾಗಿರಲಿ  ,

ಎಂದು  ಹಾರೈಸುವ  ಸ್ನೇಹದ  ಕಡಲು .....

ಆಶಯ  ಶುಭಾಶಯ ,
ಶುಭದ  ದಿನಕೆ  ಶುಭಾಶಯ  ||ಪ ||

ನನ್ನ ಸ್ನೇಹಿತನ ಜನ್ಮ ದಿನಕ್ಕೆ ನನ್ನ ಉಡುಗೊರೆ
ಇಂತಿ ನಿಮ್ಮ,
ಗಂಗ