ಮರೆಯಾಗಿವೆ ನನ್ನಲ್ಲಿ
ಕನಸುಗಳು ಮರೆಯಾಗಿವೆ , ನನಸುಗಳು ನೆಪವಾಗಿವೆ ||ಪ ||
ಉಹಿಸದ ರೀತಿಗೆ
ನನ್ನ ಜೀವನ ಸಾಕ್ಷಿಯಾಗಿದೆ
ಉರುಳಿದ ಭಾವನೆಗಳು
ನನ್ನ ಮನವ ಕದಡಿವೆ ||
ನೂರಾರು ಆಸೆಗಳು
ದುಗುಡಗತ್ತಿವೆ ,
ಅರಿತು ಬಾಳಬೇಕೆಂಬ
ಹಟವು ಮಂಕಾಗಿದೆ ||
ಉಳಿದಷ್ಟು ದಿನಗಳು
ಉಳ್ಳವರಿಗೆಂಬ ತೀರ್ಪು ಮನಸು ಮುಟ್ಟಿದೆ ,
ಮೌನವೆಂಬ ಮಾತಿಗೆ
ಮನವು ನಿಲುಕಿದೆ ||
ನಿಲ್ಲಬೇಕೆಂಬ ಛಲವು ಹೆದರಿದೆ ,
ಓಡಬೇಕೆಂಬ ಬಯಕೆ ಭಯದಿ ಬೆಂದಿದೆ ,
ಇರುಳಿಗೂ ಹಗಲಿಗೂ ಕಣ್ಣು ಕದಡಿದೆ
ವಯಸ್ಸಿಗೂ ವಿವೇಕಕ್ಕೆ ಭಾವನೆ ಮಡಿದಿವೆ ||
ನನ್ನ ಜೀವನ ಬೆಳಗಿಸಲು ಬರುವೆಯ
ನನ್ನ ಸ್ವರ ರಹಿತ ಭಾವನೆಗಳ ಬದುಕಿಸೆಯ
ನಿನ್ನ ರೂಪವೇ ನನಗೆ ವೃದ್ಧಿ
ನಿನ್ನ ಆಸರೆ ನನ್ನ ಜೀವ ಶುದ್ಧಿ
ಮರೆಯಾದ ಜೀವನಕ್ಕೆ
ಜೀವಿಸುವ ಅವಕಾಶ ಕೊಡೆಯಾ ......
ಇಂತಿ ,
ಗಂಗ