ಮತ್ತೆ ನಾಳೆ ಬರುವೆ

ಭಾವ ಬೆಳಕ ಚೆಲ್ಲಿ ಬರುತಿಹನು 

ಮೂಡಣದ ಬಾಗಿಲ ಇಣುಕಿ 

ತನುವ ಸಂತೈಸಿ ನಡೆದಿಹನು

ಪಡುವಣದ ಪರದೆ ಹಿಂದೆ 

ಮತ್ತೆ ನಾಳೆ ಬರುವೆ ಎಂದು 

ನೋಡ ನೋಡುತ ಮರೆಯಾಗಿಹನು 

ಸಜೀವ ಶಕ್ತಿ ಸುರಿದು 

ಜೀವ ಜೀವ ಬೆಸೆದು

ಸಮುದ್ರದಲಿ ಮಿಂದು ,ಸರ್ವರನ್ನು ಮಿಡಿದು 

ಮತ್ತೆ ನಾಳೆ ಬರುವೆ ಎಂದು 

ಆಗಸದಲಿ ಉದಯಿಸಿದ ಚೆಲುವು

ಕಿರಣ ರಾಶಿಗಳು  ಕೇಶ ರೂಪದಿ

ದಿನವೆಲ್ಲ ನಮ್ಮೆಡೆ ನಡೆದು 

ಗೋ ಧೂಳಿ ಸಮಯಕೆ ,ಚಂದ್ರನಿಗೆ ಕರೆಯನಿಟ್ಟು

ಮತ್ತೆ ನಾಳೆ ಬರುವೆ ಎಂದು 

ಉದಯವು ನಮ್ಮ ಜೀವನದ ಪಾಠ

ಅಸ್ಥಮವು ನಮ್ಮ ನೆನಪಿನ ಗುಚ್ಚ್ಹ 

ಹಗಲು ರಾತ್ರಿ ನಡುವೆಯಲ್ಲಿ

ನಡೆಯುತಿಹುದು  ನಮ್ಮ ಜೀವನ

ಮತ್ತೆ ನಾಳೆ ಬಂದೆ ಬರುವ ನಮ್ಮ ರವಿ 

ಇಂತಿ ನಿಮ್ಮ

ಗಂಗ

ಪಯಣ ಪಲ್ಲವಿ

ಹುಡುಕುತ  ಪಲ್ಲವಿಯ  ಬೆದಕುತ

ನಡೆದಿದೆ  ನನ್ನ  ಜೀವನ ||ಪ||

ದಿನದಿನವು ಮರು ಪಲ್ಲವಿ  ,

ಪ್ರತಿ  ಪಯಣವು  ನವ  ಗಾನ ಲಹರಿ ,

ಕ್ಷಣಕ್ಷಣಕೂ ಏರಿಳಿತಗಳ  ಧ್ವನಿಯು 

ಭಾವನೆಗಳು  ಬಾಡದ  ಸುಮವು  ........

ಈ  ರಾಗ  ಜೀವನವು  ನೇರ  ಕಾಲುವೆಯು 

ತಾಳ ತಪ್ಪಿದರೆ ,ಹಳೆಯ ಕೆರೆಯ ಸೇರ್ವುದು 

ಬದಲಾಗುವ  ಲೋಕದಲ್ಲಿ , ನನ್ನ  ಪಲ್ಲವಿಯು  ಪಯಣಿಸಿದೆ 

ಎದುರಿಗೆರಗುವ  ಪ್ರತಿ ಹಂತಕು  ಸಿದ್ದವಾಗಿ  ಹೊರಟಿದೆ  ...

ಪ್ರತಿ  ಪಲ್ಲವಿಯು  ನನ್ನ  ಜೀವನಕೆ  ಪಾಠವು 

ಎದೆ  ಗುಂದದೆ  ನಡೆವೆ  ಮರು  ಗಾನವ   ಹಾಡಲು 

ಹೆಜ್ಜೆ ಹೆಜ್ಜೆಗೂ  ಗಾನಾಮೃತವೆ  ದಿಕ್ಸುಚಿಯು  

ತತ್ ಕ್ಷಣಕೆ  ನೆನಪಿನಂಗಳಕೆ  ನೂಕಿತು  ಎನ್ನ  ಮನವು  ,

ಹುಡುಕುತ  ಪಲ್ಲವಿಯ  ಬೆದಕುತ 

ನಡೆದಿದೆ  ನನ್ನ  ಜೀವನ ||ಪ||

--- ಗಂಗ 

ನನ್ನ ಒಲವಿನ ಹೂವೆ

ನನ್ನ  ಒಲವಿನ  ಹೂವೆ  ,
ಒಲಿದು  ಬಾ  ,ಎನ್ನ  ಮನವ  ತಣಿಸು  ಬಾ  ||ಪ||

ನಿನ್ನ  ಉಸಿರ  ಜೊತೆ  ಬೆರೆವೆ ,
ಹರಸಿ  ಬರುವೆ  , ನಿನ್ನ  ಮನದ  ಸಿರಿ  ಸೇರುವೆ ,
ನಿನ್ನ  ಅಕ್ಕರೆ  ನುಡಿಗಳಿಗೆ  ನನ್ನ  ನಾ  ಮರೆವೆ ,
ವಿಧಿಯೇ   ಎನ್ನ  ಮನದನ್ನೆಯಡೆ ನನ್ನ  ಸೇರಿಸು  ....

ನಿನ್ನ  ಸ್ನೇಹ  ಸ್ಪರ್ಷಕೆ ನನ್ನ  ಮನ  ತಣಿದಿದೆ
ಆ  ಕಣ್ಣ  ನೋಟಕೆ  ನನ್ನ  ನಾ  ಮರೆತಾಗಿದೆ
ಮೌನವೇ  ನನ್ನ  ಮಾತು  ಸೇರಿದೆ ,
ನೋಡ  ನೋಡುತ  ನನ್ನ  ನೀ  ಅವರಿಸಿರುವೆ  .....

ಹುಣ್ಣಿಮೆ  ಚಂದ್ರಮನ ಮುಖದಲ್ಲೂ  ನೀ  ಕಾಣುತಿರುವೆ,
ಮುಂಜಾನೆ  ಅರಳಿದ  ಹೂಗಳಲ್ಲಿ , ನಿನ್ನ  ರೂಪವೇ  ತೋರುತಿದೆ ,
ನಾ  ಕಾಣೋ ಪ್ರತಿ  ಮುಖದಲ್ಲೂ,  ನಿನ್ನ  ಪ್ರತಿ  ರೂಪವೇ  ,
ನಾ  ಕಾಣೋ  ಪ್ರತಿ  ಕನಸುಗಳು  ನಿನ್ನವೇ  .....

ನನ್ನ  ಒಲವಿನ  ಹೂವೆ  ,

ಒಲಿದು  ಬಾ  , ಎನ್ನ  ಮನವ  ತಣಿಸು  ಬಾ  ||ಪ ||

ನಿಧಾನದಿ ವಿಧಾನದಿ (ಹಾರೈಕೆ )

ನಿಧಾನದಿ ವಿಧಾನದಿ   

ನಡೆ ಮುಂದೆ  ನೀ  ನಡೆ  ಮುಂದೆ  ||ಪ ||

ವಿವೇಕ  ,ವಿವರಗಳು
ನಿನ್ನೆಡೆ  ಇರಲಿ
ಭವನ , ಭಾಗ್ಯ ಗಳು
ನಿನ್ನಿಂದೆ ಬಂದು  ಉಳಿವವು  

ಚೇತನ , ಚಹರೆ , ಛಾಯೆ    
ನಿನ್ನ ಪ್ರತಿ  ಹೆಜ್ಜೆಯಲ್ಲೂ  ಇರಲಿ
ಬೇಸರ  , ಬವಣೆ  , ಭಯಗಳು
ನಿನ್ನ  ಹಿಂದೆ  ಅಳಿವುವು  

ಮೌಡ್ಯ ರಹಿತ  ಮುಗ್ಹ್ದಥೆ , ಆಲೋಚನೆ   ರಹಿತ    ಭಾವನೆ    
ಪರರ  ನೋಯಿಸುವ  ಮಾತು   , ನನ್ನಿಷ್ಟ ಎಂಬ  ನುಡಿ , ನಿನ್ನ  ಮನಸ್ಸಿನ  ಹೊರಗಿರಲಿ  
ಸ್ನೇಹ , ಸೌಹಾರ್ದ , ಸಾಮರಸ್ಯ  
ಸ್ವಾರಸ್ಯ   ನಿನ್ನ  ಮನ ಸೇರುವುವು  

ಇಚ್ಛೆ  ಇಂದ  ದುಡಿ   , ಸ್ವೇಚ್ಚೆ  ಇಂದ  ಬದುಕು
ದುಡುಕು   , ದುಃಖ   , ದುಮ್ಮಾನ , ದುರಹಂಕಾರ ಇತರ  ದುರ್ನಡೆಗಳು  
ನಿನ್ನ  ನೆನಪಿನ   ಸಾಗರದಲ್ಲಿ    ಅಲೆಯಾಗದಿರಲಿ  
ಬದುಕು  , ಬದುಕಲು ಬಿಡು  

ನಿಧಾನದಿ ವಿಧಾನದಿ   

ನಡೆ ಮುಂದೆ  ನೀ  ನಡೆ  ಮುಂದೆ  ||ಪ ||

ಎಂದು ಹಾರೈಸುವ 

ಗಂಗ

ನನ್ನ ಅಂದಾವ ,ನಾ ತೋರೋ ಚೆಂದಾವ

ನೋಡ್ಕೊಂಡು  ಹೋಗು  ನೋಡ್ಕೊಂಡು  ಹೋಗು
ನನ್ನ  ಅಂದಾವ  ,ನಾ  ತೋರೋ  ಚೆಂದಾವ  ||ಪ ||

ಊರಿಂದ  ಊರಿಗೆ  ಅಂದವ  ಸಾರುವ  ಸುಂದರಿ  ನಾನು  ,
ಕೊರೆವ  ಚಳಿಯಲ್ಲೂ  ಬಿಸಿ  ಮುಟ್ಟಿಸುವ  ಬಂಗಾರಿ  ನಾನು  ,
ಹೋದಲ್ಲೆಲ್ಲ  ಅಭಿಮಾನಿಗಳ  ಸಾಗರ   ಸೇರಿಸುವ  ಸೃಷ್ಟಿ  ನಾನು ,
ಬಯಸದೆ  ಬಂದಾಗ  , ಬೇಡವೆನ್ನುವೆ  ಏತಕೆ   ||

ಮದನನೊಂದಿಗೆ  ಮೋಹಿಸಲು  ಹಾತೊರೆವೇನು ,
ಮುಗುಳ್ನಗೆಗೆ  ಮೌನಿಯಾಗಿ  ಮಡಿಲ  ಸೇರುವೆನು ,
ನಿನ್ನ  ಪ್ರೀತಿಯೇ  ನನಗೆ  ದಕ್ಷಿಣೆ ,
ನಾ  ಬಯಸಿ  ಬಂದಾಗ  , ನೀ  ಏಕೆ  ದೂರ  ನಡೆವೆ  ||

ವಯಸಿಗೆ  ಮಿತಿ  ಬೇಡ  ,ಬಯಕೆಗೆ  ಮೋಸ  ಬೇಡ
ಹರಸಿ  ಅರಸಿ  ಬಂದಾಗ  ಒಲ್ಲೆ ಎನ್ನಬೇಡ
ನಿನ್ನ  ಅಪ್ಪುಗೆಗೆ  ಅಡಿಯಾಳಗುವ  ಆಸೆಗೆ , ನೀರರೇಯ ಬೇಡ
ವಿರಹದಿ  ಬೆಂದ  ಪ್ರೀತಿಗೆ  ನಿನ್ನ  ಅಪ್ಪುಗೆಯ  ಸಾಂತ್ವನ  ನೀಡು  ||

ನೋಡ್ಕೊಂಡು  ಹೋಗು  ನೊಂದ್ಕೊಂದು  ಹೋಗು

ನನ್ನ ಅಂದಾವ  ,ನಾ  ತೋರೋ  ಚೆಂದಾವ  ||ಪ ||

ಇಂತಿ ನಿಮ್ಮ ,

ಗಂಗ

ನಿನ್ನ ರೂಪದಿ ನಿನ್ನ ಸ್ನೇಹದಿ

ನಿನ್ನ  ರೂಪದಿ  ನಿನ್ನ  ಸ್ನೇಹದಿ 

ಕುಣಿಯುತಿದೆ  ನನ್ನ  ಮನವು  ||ಪ ||

ಕೇಳಲು  ನಿನ್ನ  ದನಿಯು
ಮೂಡಿತು  ನನ್ನ  ಮನವು
ನಿನ್ನ  ದನಿಯೇ  ನನ್ನ  ಪ್ರಾಣ  ಧನವು
ನಿನ್ನ  ರೂಪದಿ  ನಿನ್ನ  ಸ್ನೇಹದಿ  ,ಕುಣಿಯುತಿದೆ  ನನ್ನ  ಮನವು  ..

ನನ್ನ  ಮನದಿ  ಮೂಡಿದೆ  ನಿನ್ನ  ರೂಪ
ದಿನವು ತಣಿಸಿದೆ  ಪ್ರೇಮ  ದಾಹ
ನಿನ್ನ  ರೂಪವೇ  ನನ್ನ  ಬಾಳ  ಬೆಳಕು
ನಿನ್ನ  ರೂಪದಿ  ನಿನ್ನ  ಸ್ನೇಹದಿ  ,ಕುಣಿಯುತಿದೆ  ನನ್ನ  ಮನವು  ..

ನಿರಂತರ  ನಿನ್ನೆಡೆಗೆ  ನನ್ನ  ಪ್ರೀತಿ
ನಿತ್ಯ  ನೂತನ  ನಿನ್ನೆಡೆಗೆ  ನನ್ನ  ಪ್ರೇಮ
ನಿನ್ನ  ಪ್ರೇಮಕೆ  ನನ್ನ  ಜೀವನ  ಪಥವು
ನಿನ್ನ  ರೂಪದಿ  ನಿನ್ನ  ಸ್ನೇಹದಿ  ,ಕುಣಿಯುತಿದೆ  ನನ್ನ  ಮನವು  ..

ಈ  ಆಸೆಗಳ  ಲೋಕದಲ್ಲಿ
ಕಣ್ಣಿಗೆ  ಕಾಣೋದೆಲ್ಲಾ ಬಯಸುವ ಈ  ಜಗದಲ್ಲಿ .
ಭಾವೆನಗಳಿಗೆ ಬೆಲೆ  ಇಲ್ಲದ  ಕಾಲದಲ್ಲಿ  ,
ನನ್ನ  ಯೋಚನೆಗಳು  ನಿನ್ನ  ಮಡಿಲಲ್ಲಿ  , ನಿನ್ನ  ಒಲವಲ್ಲಿ  ..

ನಿನ್ನ  ರೂಪದಿ  ನಿನ್ನ  ಸ್ನೇಹದಿ
ಕುಣಿಯುತಿದೆ  ನನ್ನ  ಮನವು  ||ಪ ||

ಮರೆಯಾಗಿವೆ   ನನ್ನಲ್ಲಿ
ಕನಸುಗಳು  ಮರೆಯಾಗಿವೆ  , ನನಸುಗಳು  ನೆಪವಾಗಿವೆ  ||ಪ ||

ಉಹಿಸದ  ರೀತಿಗೆ
ನನ್ನ  ಜೀವನ  ಸಾಕ್ಷಿಯಾಗಿದೆ
ಉರುಳಿದ  ಭಾವನೆಗಳು

ನನ್ನ  ಮನವ   ಕದಡಿವೆ ||

ನೂರಾರು  ಆಸೆಗಳು
ದುಗುಡಗತ್ತಿವೆ  ,
ಅರಿತು  ಬಾಳಬೇಕೆಂಬ
ಹಟವು  ಮಂಕಾಗಿದೆ  ||

ಉಳಿದಷ್ಟು  ದಿನಗಳು
ಉಳ್ಳವರಿಗೆಂಬ ತೀರ್ಪು  ಮನಸು  ಮುಟ್ಟಿದೆ  ,
ಮೌನವೆಂಬ  ಮಾತಿಗೆ
ಮನವು  ನಿಲುಕಿದೆ  ||

ನಿಲ್ಲಬೇಕೆಂಬ ಛಲವು  ಹೆದರಿದೆ  ,
ಓಡಬೇಕೆಂಬ ಬಯಕೆ  ಭಯದಿ  ಬೆಂದಿದೆ ,
ಇರುಳಿಗೂ ಹಗಲಿಗೂ  ಕಣ್ಣು  ಕದಡಿದೆ
ವಯಸ್ಸಿಗೂ  ವಿವೇಕಕ್ಕೆ  ಭಾವನೆ  ಮಡಿದಿವೆ ||

ನನ್ನ  ಜೀವನ   ಬೆಳಗಿಸಲು  ಬರುವೆಯ
ನನ್ನ  ಸ್ವರ ರಹಿತ ಭಾವನೆಗಳ  ಬದುಕಿಸೆಯ
ನಿನ್ನ  ರೂಪವೇ  ನನಗೆ  ವೃದ್ಧಿ
ನಿನ್ನ  ಆಸರೆ  ನನ್ನ  ಜೀವ  ಶುದ್ಧಿ

ಮರೆಯಾದ  ಜೀವನಕ್ಕೆ

ಜೀವಿಸುವ  ಅವಕಾಶ  ಕೊಡೆಯಾ ......

ಇಂತಿ ,

ಗಂಗ